| |
Gheobhaidh tú tuairiscí níos mionsonraithe ar dhul chun cinn do pháiste sa tsraith shóisearach. Ina measc beidh tuairiscí ar an dul chun cinn atá á dhéanamh aige / aici i dtaca le litearthacht agus uimhearthacht agus iarrfar ar dhaltaí a meas féin a thabhairt ar a ndul chun cinn féin sula gcuirfear an tuairisc chugatsa.
Ar na scrúduithe is mó a tháinig athrú. Beidh scrúdú ann i dtólamh ag deireadh na sraithe sóisearaí m.sh. sa Bhéarla. Bronnfar 40% de mharcanna an Bhéarla áfach ar obair a bheidh curtha i gcrích roimhe sin. Mar sin do na daltaí ní bheidh gach ní ag brath ar an scrúdú deiridh amháin.
In 2015, agus deireadh a dtríú bliain bainte amach acu, cuirfear scrúdú orthu in 6 - 8 n-ábhar, ag brath ar líon na ngearrchúrsaí atá ndéanamh acu ag na scrúduithe. Ina measc seo beidh cúrsa nua an Bhéarla, na cúrsaí nua eile a bheidh déanta acu agus aon ábhar eile de chuid an Teastais Shóisearaigh atá á staidéar acu, go huasteorainn ocht n-ábhar. Bronnfar an cháilíocht nua, Teastas Náisiúnta Oideachais na Sraithe Shóisearaí orthu.
Is mar chuid den Teastas Sóisearach a thabharfaidh daltaí ag tosú sa chéad bhliain in 2012 agus in 2013 faoi chláir na sraithe shóisearaí.
 AN TSRAITH SHÓISEARACH NUA: ROINNT EOCHAIRDHÁTAÍ
| Dáta |
Teagmhas |
| 2012 |
Seolfar An Creat don tSraith Shóisearach
|
| 2012-14 |
Tosóidh scoileanna ag pleanáil don tsraith shóisearach nua
|
| 2014 |
Tabharfar isteach an Creat nua do lucht na chéad bhliana le dhá ábhar, gearrchúrsaí agus le gach gné eile
|
| 2014-17 |
Tabharfar isteach ábhair eile agus gearrchúrsaí eile ó bhliain go bliain
|
| 2017 |
Bronnfar cáilíochtaí nua na sraithe shóisearaí nua don chéad uair
|
Féach freisin:
|
