Baineann cuid thábhachtach d’oideachas páiste le bheith ag foghlaim faoi agus ag tuiscint saol, luachanna agus traidisiúin cairde, páirtithe ranga, agus baill den phobal i gcoitinne. Tarlaíonn a lán den fhoghlaim sin cheana i seomraí ranga na hÉireann mar a gcothaítear a bhraistint féiniúlachta agus chómhuintearais féin sa pháiste agus mar a léirítear meas orthu. Chun a chinntiú go mbíonn an deis ag gach páiste ar an gcineál sin foghlama agus chun a chinntiú go n-aithnítear na dea-chleachtais atá i bhfeidhm cheana i scoileanna, tá an CNCM ag forbairt curaclaim in Oideachas faoi Reiligiúin agus faoi Chreidimh (ORC) agus in Eitic.