Aidhmeanna

Tá sí mar aidhm ag an tsraith shóisearach:

an t-eolas, an tuiscint, na dearcthaí, na scileanna agus na hinniúlachtaí a fhaightear ag leibhéal na bunscoile a athneartú agus a fhorbairt tuilleadh sa duine óg
raon agus cáilíocht eispéireas oideachais an duine óig, maidir le tuiscint, eolas, scileanna agus inniúlachtaí, a fhairsingiú agus a dhoimhniú
muinín phearsanta agus shóisialta, tionscantacht agus inniúlacht an duine óig a fhorbairt trí oideachas ginearálta leathan cothrom.
an duine óg a ullmhú do riachtanais chláir staidéir bhreise, cláir fhostaíochta nó don saol lasmuigh den oideachas lánaimseartha
cur le forbairt mhorálta agus sprioradálta an duine óig agus caoinfhulaingt agus meas ar luachanna agus creidimh dhaoine eile a fhorbairt
an duine óg a ullmhú d'fhreagrachtaí na saoránachta sa chomhthéacs náisiúnta agus i gcomhthéacs níos leithne na bpobal Eorpach agus domhanda.