An Ardteistiméireacht Fheidhmeach

Is é príomhaidhm chlár an ATF, na rannpháirtithe a ullmhú don aistriú ó shaol na scoile/an ionaid isteach i saol aosaigh agus saol na hoibre.

Seo saintréithe an ATF:

• Is clár glanscartha é a mhaireann dhá bhliain
• Is é príomhchuspóir an chláir scileanna litearthachta agus uimhríochta na rannpháirtithe a fhorbairt
• Leagtar béim ar leith sa chlár ar fhorbairt phearsanta agus shóisialta na rannpháirtithe
• Cuirtear deiseanna ar fáil chun scileanna féinluachála agus machnaimh na ndaltaí a fhorbairt
• Spreagtar naisc phobail láidre chun an scoil nó an t-ionad a chomhlánú mar láithreán foghlama
• Cothaítear úsáid raon leathan modheolaíochtaí foghlama, mar aon leis an bhfoghlaim rannpháirteach
• Cuirtear deiseanna breisoideachais agus breisoiliúna ar fáil.

Cuirtear cúrsaí éagsúla ar fáil san Ardteistiméireacht Fheidhmheach, agus iad eagraithe ar thrí cinn d'eilimintí:

• Ullmhú le haghaidh Gairme
• Gairmoideachas
• Oideachas Ginearálta

Ar bhonn modúlach atá na cúrsaí leagtha amach agus tá fad tríocha uair an chloig iontu. Caithfidh foghlaimeoirí 44 modúl san iomlán a dhéanamh. Ina theannta sin, caithfidh siad seacht gcinn de Thascanna Dalta a thabhairt chun críche i gcaitheamh dhá bhliain an chláir.

Gheofar leagan amach an chláir ach cliceáil anseo