Comhthéacs
Cuireann CNCM comhairle ar an Aire Oideachais faoi chúrsaí curaclaim agus measúnaithe don oideachas luathóige, do bhunscoileanna agus d’iar-bhunscoileanna. Rinneadh sonraíochtaí nua le haghaidh Liotuáinis, Polainnis, Portaingéilis agus Mandairínis na hArdteistiméireachta a sheoladh in 2020.
Úsáideadh cur chuige creata chun na sonraíochtaí seo a fhorbairt i gcomhair foghlaim agus teagasc roinnt teangacha curaclaim don Ardteistiméireacht. Baineann cur chuige coiteann leis seo i ngach sonraíocht lena n-áirítear an réamhrá, na haidhmeanna, na hionchais d’fhoghlaimeoirí agus na cuir chuige mheasúnaithe.
Rinneadh sonraíochtaí nua le haghaidh Liotuáinis, Polainnis, Portaingéilis agus Mandairínis na hArdteistiméireachta a sheoladh in 2020.
Úsáideadh cur chuige creata chun na sonraíochtaí seo a fhorbairt i gcomhair foghlaim agus teagasc roinnt teangacha curaclaim don Ardteistiméireacht. Baineann cur chuige coiteann leis seo i ngach sonraíocht lena n-áirítear an réamhrá, na haidhmeanna, na hionchais d’fhoghlaimeoirí agus na cuir chuige mheasúnaithe.
Is féidir na sonraíochtaí curaclaim agus na Treoirlínte don Phunann Teanga a aimsiú anseo:
- Sonraíocht Churaclaim Liotuáinis na hArdteistiméireachta
- Sonraíocht Churaclaim Pholainnis na hArdteistiméireachta
- Sonraíocht Churaclaim Phortaingéilis na hArdteistiméireachta
- Sonraíocht Churaclaim Mhandairínis na hArdteistiméireachta
Cuireadh tús le forbairt sonraíochtaí úra Ardteistiméireachta le haghaidh Liotuáinis, Polainnis, Portaingéilis agus Mandairínis na hArdteistiméireachta in 2019.
Tionóladh Meitheal Forbartha a chuimsigh ionadaithe ó réimse de pháirtithe leasmhara oideachais, lena n-áirítear comhlachtaí múinteoirí agus bainistíochta, an Roinn Oideachais agus Scileanna, agus Coimisiún na Scrúduithe Stáit. D’fhorbair an mheitheal Dréachtsonraíochtaí le haghaidh comhairliúcháin do na ceithre theanga agus is féidir iad a léamh anseo:
- Dréachtsonraíocht Churaclaim Liotuáinis na hArdteistiméireachta
- Dréachtsonraíocht Churaclaim Pholainnis na hArdteistiméireachta
- Dréachtsonraíocht Churaclaim Phortaingéilis na hArdteistiméireachta
- Dréachtsonraíocht Churaclaim Mhandairínis na hArdteistiméireachta
Reáchtáladh comhairliúchán poiblí ar an gCáipéis Eolais agus Treoir ón 15 Samhain 2019 go dtí an 6 Eanáir 2020. Foilsíodh an tuarascáil chomhairliúcháin i mí an Mhárta 2020.
Rinne an Mheitheal Forbartha na sonraíochtaí nua a chur chun cinn agus an tuarascáil chomhairliúcháin mar bhonn eolais acu agus seoladh na sonraíochtaí úra i mí Mheán Fómhair 2020.