Is é cuspóir mhatamaitic na Sraithe Sinsearaí go bhforbróidh gach scoláire oilteacht sa mhatamaitic. Tá níos mó ná gnáth-líofacht i gceist le hoilteacht sa Mhatamaitic agus déantar cur síos ar leith air sa siollabas mar
- tuiscint choincheapúil – léirthuiscint ar choincheapa, oibríochtaí agus gaolta matamaiticiúla
- gnáth-líofacht –scil chun gnásanna a dhéanamh go solúbtha, go beacht, agus go cuí
- inniúlacht straitéiseach–an cumas fadhbanna matamaiticiúla a cheapadh, a léiriú, agus a réiteach i gcomhthéacsanna a bhfuil taithí ag an scoláire orthu agus i gcomhthéacsanna nach bhfuil taithí aige orthu
- réasúnaíocht oiriúnaitheach–an cumas chun smaoineamh go loighciúil, machnamh, míniú, údar a thabhairt agus cumarsáid
- dearcadh dearfach –féachaint ar an matamaitic mar rud ciallmhar, úsáideach agus fiúntach, mar aon le creideamh i ndúthracht, buanseasmhacht agus éifeachtúlacht an duine féin.
Tugadh isteach an tsonraíocht le haghaidh Mhatamaitic na Sraithe Sinsearaí i scoileanna i dtrí chéim mar chuid den tionscnamh Tionscadal Mata a tosaíodh i mí Mheán Fómhair 2010.
Tá tuarascáil taighde á coimisiúnú chun amharc ar an tionchar a bhí ag an tionscnamh Tionscadal Mata ar thaithí an scoláire ar an matamaitic agus beidh sé mar bhonn eolais ag athbhreithniú ar an ábhar.
Tá ionadaithe i nGrúpa Forbartha na Matamaitice ó réimse páirtithe leasmhara oideachais, lena n-áirítear comhlachtaí múinteoirí agus bainistíochta, an Roinn Oideachais agus Scileanna, agus Coimisiún na Scrúduithe Stáit.
Tá ábhair a réitíodh le tacú le forbairt na hoilteachta sa mhatamaitic ar fáil anseo
- A guide to post-primary functions
- A guide to post-primary inferential statistics
- Descriptive statistics question
- Descriptive statistics answers